Vereenegung Biolandwirtschaft Lëtzebuerg
D’Vereenegung fir Biolandwirtschaft Lëtzebuerg ASBL vertrëtt d’Interête vun der Biolandwirtschaft zu Lëtzebuerg. Si engagéiert sech, d’Rechter an d’Interessie vun de Biobaueren a Bioproduzenten ze verdeedegen, souwuel op politeschem an administrativem Plang, wéi op Niveau vun der Ëffentlechkeet.
Institut fir Biologesch Landwirtschaft an Agrarökologie
D’IBLA ass de Kompetenzzentrum fir Fuerschung a Berodung am Beräich vun der biologescher Landwirtschaft an dem Wäibau zu Lëtzebuerg. Ënnert dem Motto „Fuersche fir d’Praxis“ leet d’IBLA net nëmmen e besonnesche Wäert op d’Fuerschung, ma och op déi séier Vermëttlung vu Resultater a Wëssen an dësem Beräich. Dëst gëtt iwwer Berodung, Seminären, Visitte vu Feldversich souwéi verschidden Informatiounsbroschüre gemaach.
Bio-Bauere-Genossenschaft Lëtzebuerg
D’Bauere musse sech zesummendoen, fir Verträg bannent der Wäertketten ofschléissen ze kënnen. D’Missioun vu Kooperativen a Produzentegemeinschafte besteet doran, d’Produktioun vu Bio-Baueren ze regruppéieren, ënner anerem well et op Niveau vun der Weiderveraarbechtung an dem Fachhandel gewësse Liwwerufuerderunge gëtt, déi ouni dës Zesummeschlëss net erfëllt kéinte ginn. Nëmme grouss, spezialiséiert landwirtschaftlech Betriber géifen iwwerliewen.